"勞動節" 長假期 Calgary 一遊

返咗 Calgary 4 日，一如以往，最開心嗰個係米露大王啦，返去日日咁多人比佢玩！

個衰仔尿尿喺人地啲鞋度，物主竟然唔鬧去，仲要 "hehehe，佢all咗尿呀！"，激死！

仲加埋咁多美食比佢，第一日唔食糧，就有 blueberries 食，第二日就有桃同白麵包，第三日食厭咗，竟然有小籠包食，真係多野食過我呀！

我就去咗新既 CrossIron Mill 行咗一陣，除咗買咗好靚，好味，仲好貴既 cup cakes 外，咩都買唔到。都講咗一去過 Seattle，LA，Vegas Outlets 後，好難再對本地所謂 outlets 有興趣。佢個 design 就好似美國低一班既 outlet mall，San Fran Great Mall 咁啦，無咩靚裝修，好多"新屎坑"去行，但係好少人買野。Outlet stores 就有 Gap，Tommy，Lacoste，Lucky Brand 呢啲大路 brands。最好笑既係有 Home Sense，Winners，同 Toys R Us！個 food court 都整得幾靚靚既，好多人食！

我最愛就係去 Brass Pro Shop 睇下啲 outdoor 野，雖然我唔會去戶外，但係入面裝修得好靚，好大咁。仲有一間係賣狗狗野，但係啲貨全部都係大陸野，淘寶都有好多。因為咁，我諗我下次可以帶埋米露入去，最多話係去買狗狗野囉。

講返 cup cakes 先，好多人貪新鮮買，多數係白人啦，因為佢地唔怕甜。我排咗 15 分鐘隊先買到。新鮮未雪凍前食真係好味，個 "cup" 係好香牛油味，個面既 topping 都唔錯，2 樣夾埋真係有 "味道"，唔係得一個甜字。但係可能對少食 cake 既人黎講會好甜囉。我自己就覺得 ok 無咩問題啦！$3 CAN 一個，下次去開都會買返一個攞住食！

Milo's Update

好耐都無 update 過米露哥啲新動態啦，睇下最近有咩發生先：

• 件雨褸係我一家上個月去 Vancouver 嗰時買比 milo 架，以 milo 奇特身形，衫長岩得，個身圈位又過大，要同佢改一改先得！
  

• 新玩具 from $1 店，有豹紋骨骨 (不嬲都有玩開， 但係最近又 K.O. 咗一舊)，同埋藍 Donut。諗住放好影返張相，米露又要搶去玩，睇下佢個頭，小偷既罪證！

• 另一件新衫仔，喺 Walmart 買既，四個大元，係 international humane society 既籌款，漁父褸仔，我覺得好 cutie 呀，但係又要幫佢改一改，米露條腰實在太纖幼啦！

熱熱熱！！！

琴日已經熱熱地架啦，今日仲熱，我屋企個溫度計話出面有 39.7 度，都已經唔係"曬正"架啦，放咗係陰頂。救命呀！

今晚睇黎都唔會同 milo 出去，一來咁熱，等得涼啲都收太陽，農曆 7 月 15 呀 ，都係小心啲好，大家一齊喺屋企做乾蒸燒賣啦 hehe

米露現在廁所 setting 偉大的設計

自己睇啦，有埋自動除臭架，hehe

最 ideal 既 case 就梗係米露哥可以 sit 喺墊墊上面得 treats 啦

但係成功次數係 4/10，衰仔次次都閃咗出黎通知我比 treats 佢食

買骨比milo，最後係撲空

去咗supermarket啦，咁我個frd好心，幫我問肉部阿叔有無牛骨 

佢攞咗一pack，pack好咗既，連咗好大舊肉，80%係肉，20%係骨啦 

咁我地話唔好，要淨骨 

佢話：下？無喎，嗰啲唔新鮮，唔好食又唔食得，我地掉落垃圾桶 

(佢以為我地chinese咁cheap買黎食) 

跟住我地話，唔係呀，係for 狗狗 

咁佢話：下？你隻狗好大架？(佢隻手放咗喺腰) 我地話唔係，係細細狗，佢嗰刻好無奈

米露要買新廁所

之前整咗個廁所比 milo，用落都唔錯，但係無格格，佢成日會整濕自己。

咁岩阿媽會返 hk，呢個就係我既 target 啦！要買個最大既，希望 milo 爺會去得舒舒服服啦！

薑荵炒蟹 (粉絲底)

今日去咗大統統買咗隻2磅蟹返黎整薑蔥炒蟹，好味道呀！

材料：

蟹                   2磅 (大約)

韓國粉絲       250 grams

薑                   1 舊 (切絲)

蔥                   1 扎 (切段)

調味：

水                   1 杯

蠔油               4 湯匙

生抽               3 湯匙

老抽               1 湯匙

花雕酒           2 湯匙 (最後上碟前落)

做法：

1. 粉絲先用凍水浸軟，隔水蒸 15 分鐘，再過冷河備用。
2. 蟹洗淨，切開。
3. 油熱後，先用彊起鑊，炒香後加蔥段再炒。
4. 加入蟹後炒至半熟，加入調味汁料，蓋好煲蓋煮 3 分鐘。
5. 加入花雕酒再炒，先裝起所有蟹肉。
6. 將粉絲加入鑊中快手攪勻吸收汁料，煮熱後可即上碟！

最乞人憎 Facebook用戶

•事事報告型：「我起床了！」沒人想知道這些芝麻綠豆小事。
•自我宣傳型：升職、考第一，朋友自然替你高興，但請別每段更新都叫人讀你的網誌。
•搶閘報道型：「米高積遜死了！」這類人愛搶報突發消息，但也會無意中散播謠言。
•毫不保留型：由性生活細節到生痔瘡，都公諸天下。

•收集朋友型：自誇有上千個朋友。
•文法糟糕型：錯字連篇，文法不通。
•博同情型：有些人有事沒事都傷春悲秋，只為爭取注意。
•陰濕偷窺型：他們很少更新狀況或在你的頁面留言，但偶然聊天，卻對你的一舉一動竟瞭如指掌。
•瞧不過眼型：事事都看不過眼，愛罵盡天下蠢才。
•狗仔隊型：未問過當事人就把對方的照片上存發佈。
•晦澀含糊型：「要等到幾時？」「等着瞧吧。」的近況更新，叫人覺得沒頭沒腦。
•邀請成癖型：愛叫人支持這運動，簽那個請願信。

米露又有新玩具

繼米露玩死咗條狗狗後，今日去買返條新既比佢。但係無買狗狗，買咗條fleece料既物體，兩邊有啲鬚鬚咁，我一入門口，比佢見到，佢就咬住唔放啦！

諗住影新玩具張相，問佢借黎一陣都唔得，係咁要搶返！要佢豬老豆喺另一邊扯住先成功影到張相。

養狗的茂論

近期經常留漣各大forum既寵物版，見到以下偉論：

1. 教識狗狗"罰"企係好威 (完全無諗過狗狗條腰，第日老咗行唔到就知死)
2. 細狗成日吠，大狗就唔會 (好睇你點教喎)
3. 細狗好鬼笨，大狗好聽話 (其實係相反，細狗係醒到識得唔聽你話，大狗就傻傻地跟住做)
4. Hill's 同 RC 係靚糧，因為 Vet 都係咁講 (白癡都知佢地有回佣啦，唔話好，你點會食呀）
5. Hill's 同 RC 係貴糧，又好味 (下？咁我諗得 Iams 平得過佢地啦，多味精算唔算好味？)
6. 狗狗一叫/吠就要飛埋去睇下 (衰仔識得玩野架，你次次行埋去，咪比佢做大佬）
7. 狗狗有病，上 forum 出個 post 就會 post 到病除 (唔駛我多講，你地知我講咩啦）
8. 無錢睇醫生，自己斷症，問網友攞藥自己醫 (一個字：勁！）
9. 公屋養狗好叻，比人發現，最多罰錢 (唔該啦，要狗狗做 II，日日怕比人捉，扣晒分趕你走我就開心，有啲仲要衰到四圍同人講，唔怕唔怕我都無事，捉班友去打靶啦！)
10. 養 husky 好型仔 (困你入個廁所一世睇下型唔型仔啦)

講住咁多先，諗到再加！

新自家制廁所 + 新玩具 + 洗白白專用帶

米露哥越黎越大隻，成日去方便都會"出界"，最後又係要我地阿四同佢清潔地方。

終於忍唔住啦，諗住買個貓砂盤比佢試下得唔得。咁去 Walmart 買咗個 jumbo size 啦，原來都係太細，佢可以跳入去，但係轉唔到身！無計，唯有自家制啦！睇過香港有得賣狗廁所，但係咁大舊，好難攞過黎，我就去 Walmart 買咗個 under bed storage 箱，$10，透明有蓋既，返黎喺其中一邊開咗好窿，唔好以為好易呀，琴晚整到我手都軟，鋸開咗，仲要用沙紙磨下先得！

咁 Milo 仔都好醒，一放佢用開張 training pad 落去佢就識用啦！好彩好彩！

*****

頭先去咗 Petsmart 睇下有無新玩具買比 Milo，(琴晚先幫佢補返好隻黃色長狗狗，新買玩咗三日就 KO 咗兩隻手手)，咁買咗一隻箭豬同一隻熊仔。Milo 而家有隻豬仔 friend，係佢一返黎 BB 開始玩，嗰隻其實係 for 人沖涼既公仔海綿，但係佢又好鍾意，晚晚同豬仔一齊訓。玩咗半年，隻豬仔爛爛地咁，真係好難再搵返豬仔 (豬仔係大統統買 skincare package 送架)，所以買隻箭豬返黎做 backup！

當我影緊兩隻公仔相之時，Milo 己經由老遠走過黎，想擔新玩具去玩啦，我梗係唔比佢住啦，等遲啲佢乖乖先啦！呀！唔記得講，呢兩隻都係 on sale，一隻 $2.97，一隻 $3.97。

*****

呢個百寶叫 Bathing Tethers，即係洗白白專用帶，佢有兩個巨形吸吸，可以吸係浴缸，sink 咁，再扣住 collar，咁 Milo 就唔可以跳上跳落，可以乖乖咁企定定洗白白啦！

岩岩買返黎，未試用過，可能今晚得閒就試用下先！

初時諗住可以自制一個，平啲 (呢盒買咗 $14)，但係原來要咁大過吸吸先可以吸得實，都係算啦！

Calgary Zoo 半日遊

Weekend 返 Calgary，去咗 Zoo 睇樹熊寶寶，成十年無去過啦，原來多咗好多野，以前去仲衰過大陸嗰啲，但係而家就靚過海浪公園。

我地一行四人成一點先到，咁岩本 coupon book 有 buy 1 get 1 free admission，我同豬兩個人就比咗 $18 咋，都 ok 啦，要我比正價我就一定唔去！

估唔到有咁多人去 Zoo，大人同細佬，一入去睇咗非洲生物，都係獅子老虎大笨笨咁啦，我最鍾意反而係大笨笨銅象，好好笑架！

跟住我地就去咗搵樹熊寶寶，好好彩，四點幾佢地食飯，先會郁一郁，我地就見到其中一隻起咗身望黎望去，真係成隻公仔咁，好似好軟林林，最衰無得比我抽下水啦！

最後我地就去咗睇土炮動物，即係鹿，buffalo 嗰啲啦，仲見到個傻婆，後面睇身型就係小朋友，其實正面係個阿嬋，佢仲係咁逐隻動物同佢地傾計！望落佢個樣好似黑猩猩，都唔知係咪喺個籠度 prison break 出黎架！

米露的私家浴場

登燈燈凳，籌備多時既米露專用浴場面世啦！浴場位於我屋企個 basement，洗衣機隔離，哈哈！

有冷熱水供應，仲有花灑功能！另一邊仲有單人床咁大既梳妝台 (即係大書檯一張) 比米露仔吹乾啲毛毛！

終於唔駛"烏"低身幫米露爺洗白白啦！

花盡人力 (我老豆+我阿爺長途6個鐘來回過黎整)，物力 (用咗超過 $200 CAN)，時間 (整咗成日)！ 

原來水電工真係唔易做，水喉掂下都會漏水 (一動一如一靜)，電線 "hi" 下都會電死！

下個 task 就係裝好層架，可以放下毛巾沖涼用品咁，成個 SPAAAAAAA 咁呀！

2009年 Whole Dog Journals (WDJ) 建議狗糧 (乾)

WDJ Aproved Dry Foods of 2009

Addiction Foods
www.addictionfoods.com

Back To Basics 
www.backtobasicspetfood.com

Breeders Choice Pet Foods
www.breeders-choice.com

Burns Pet Nutrition
www.bpn4u.com

Artemis Pet Foods
www.artemiscompany.com

Bench and Field Pet Foods
www.benchandfield.com

By Nature
www.bynaturepetfoods.com

Canidea Corp.
www.canidae.com

Canine Caviar Pet Foods
www.caninecaviar.com

Della Natura Commodities
www.dellanaturapet.com

Diamond Pet Products
www.chickensoupforthepetloverssoul.com
www.premiumedgepetfood.com
www.professionalpetfood.com
www.tasteofthewildpetfood.com

Dr. Foster and Smith
www.drsfostersmith.com

Castor and Pollux Pet Works
www.castorpulloxpet.com

**** Van Patten’s Natural Balance
www.naturalbalance.net

Dogswell
www.dogswell.com

Evangers Dog and Cat Food
www.evangersdogfood.com

KLN Enterprises/ Tuffys Pet Foods
www.nutrisourrcedogfood.com

Lincoln Biotech
www.lincolnbiotech.com

Natura Pet Products
www.naturapet.com

Fromm Family Foods
www.frommfamily.com

Life4k9 Pet Food Corp
www.life4k9.com

Merrick Pet Care
www.merrickpetcare.com

Natures Variety
www.naturesvariety.com

Perfect Health Diet Products
www.phdproducts.com

Pet Chef Express
www.petchefexpress.ca

Peton Distributors
www.preformatrinultra.com

Solid Gold Health Products for pets INC
www.solidgoldhealth.com

Wellpet
www.wellpet.com

Petcurean Pet Nutrition
www.petcurean.com

SmartPak
www.smartpak.com

Taplow Feeds
www.firstmate.com

Versus Pet Foods
www.versuspetfoods.com

另加：
Got a notice online that Whole Dog Journal accidentally left out Champion Pet Foods (the maker of Orijen and Acana) from their 2009 acceptable foods.

左揀右揀，Milo哥就係食緊 Acana 啦，幾驚今年 WDJ 無呀，原來係寫漏咗，而家有返啦！

大逃亡 + Gubbi 隱身記

今日去 heritage festival，有成百個 culture 既 presentation 同野食，琴日已經喺 save-on-food 買咗 food tickets，$25 有 30 張。去嗰時都仲好好天，熱到爆既 33 度。 點知食完過 taiwan combo，買多個 donaire，就風雲色變，個天開始黑，跟住就係咁落雨。初時微微雨，我地行咗去買 elephant ear，好大隻，都係 4 tickets，比起 taste of edmonton 真係平好多，樣樣野都好大份，真係食得飽。

[ 大象耳仔]

一買完啲雨就大到要攞埋隻耳仔入去一個帳幕入面食住避雨。等了又等，仲有 10 張 tickets 未用，雨開始細少少，諗住飛去 france 度買 creps 啦，點知行到去就 close 咗，原來所有 service 都要 shut down 呀！

[避雨中]

最後我地用咗 9 張 tickets 換咗 3 樽 orange juice，好過無啦，因為啲 tickets 留返黎都無用，parking 又要比 $4.25，泊完車仲要行 20 mins 先到。

返去攞車都係一個大問題，諗住豪比佢，比 $2.50 一個人搭 5 mins 既 shuttle bus 啦，問咗站長哥哥邊條線係，一路行，一路行去搵龍尾，行咗 10 mins 先見到，去到個 park 中間位，一路排都無 cover 既，我地最後都係行，啲雨又越黎越大，用咗極速，15 mins 行到返去 parking 攞車。

嘩！成身濕晒，係濕到頭髮可以滴得出水。好彩唔比帶米露去咋，如果唔係，抱住佢一路行真係好大鑊！

呀！Gubbi 隱身記！我覺得用 brand name 袋唔係問題，但係唔該適合時間做適合既野啦。今日見好多人用 LB 呀！Gubbi 呀！Channel 咁！有真有假啦！見都有公仔 print neverfull 都有！

未開始大雨，仲係毛毛之時，見到有一個 chinese family，有老有嫩咁，個媽同男仔就用個普通背包咁。見個女仔 (廿幾歲) 踎咗喺地下，死"質"難"質"，離遠望下啦，原來將一個 Gubbi "質" 落去佢阿媽個背包度，因為怕落雨會整濕！可能風和日麗佢孭住佢覺得自己好型既，但係一落雨就 "咁"，真係唔用好過用啦！建議佢下次帶過大垃圾袋，落雨可以笠住個袋同自己，一舉兩得！

唉！我望一望我自己，我覺得我好醒囉，今日用咗個 $10US 既 A&F 布袋，濕咗都係入洗衣機洗下就攪掂，我真係無咁笨去 "郊遊" 都用貴野 (有錢 channel 當環保買餸袋就例外啦)！

River Cree Player Club

今晚去咗 River Cree 食 Prime Rib Buffet，$16.95 一個人，平過 Sawmill 幾蚊。哈，個 server 唔錯，起碼無斷水同堆山仔先啦。

咁見到檯上面有 sign 話可以 save 20%，問問 server 姐姐，原來 sign up players club 就可以，咁梗係嗱嗱臨 sign up 啦，再平幾蚊喎。最後連 tips 都係 $33 for 2 個人！

今晚係 Prime Rib，個肉唔錯，唔會太熟，有牛味，係 AAA grade。其他仲有 seafood salad，pasta in rose sauce (可惜無肉)，mashed potato，一個似包既 pudding，mussels，salmon in cream sauce，唔知咩煮 lamb，一個似炸子雞既雞，cream of mushroom 湯，同不斷既 gourmet cakes，生果！

唔錯唔錯，得閒會再去！

米露大帝

隻米露仔真係越黎越識歎世界啦，成日要上sofa坐，佢天生矮，唔可以自由上落，下下要跳跳下等人抱上sofa。

都專登買咗張被被比佢啦 (相中最底嗰張)，但係佢都唔夠，死都要霸佔埋我同佢老豆張被。仲要成隻捐埋入去！真係比佢激死！

男女相處 101

part 1 Introduction

好多年無打感性 post 啦，因為無咁既必要，同米露爸一齊七年啦，但係尚算係安安穩穩，最多係嘈下佢懶，唔做野咁，再唔係就時不時面部表情不能自控 (黑面)，不過呢啲對我黎講係小事，一人讓一步就可以解決。

兩個人來自唔同家庭，生活方式一定唔同。就算係兄弟姐妹，性格都唔會一樣。互相了解後再忍讓先可以將問題解決。

咁多年所見，情侶問題黎黎去去都係下以幾個：

part 2 性格

頭先都講過，就算係兄弟姐妹，性格都唔會一樣。究竟要一凹一突好呀？定係差唔多先夾？

我個人覺得前者會好啲，因為大家喺生活上可以分工，有自己既責任，亦都可以欣賞，依賴同學習另一半既好處。唔會有鬥叻，鬥懶，鬥廢既發生。

part 3 路人甲

遇到問題，細個會第一個搵屋企人求救，而家呢？會唔會係你另一半？

又如果係兩個人之間發生咗問題呢？應該點？

根據我既經驗，我絕對唔相信路人甲可以幫手。講下心事可能可以，但係幫手？NO 啦！

路人甲聽既係片面之詞，佢係你朋友，一定會 support 你點諗，可以話係 "講黎講去得三篤屁"。

攞個心出黎，我會同我既另一半冷靜咁講返件事，無論係開心唔開心，都應該互相分享丞擔，唔係收收埋就可以。道理就同吹汽球一樣，谷咗少少氣唔放，都谷到太大就會爆架啦！

part 4 姣婆 vs 脂粉客 (aka 好傾既異性朋友)

點解每次一出事 (就算未有問題前)，身邊啲異性都好似比較飢餓咁？

我記得 N 年前，有一日一個人同我講：我覺得身邊無咩朋友，個人好 dry，長期咁落去，對你對我都無處，我地唔會再有 topic，到時係你有你生活，我有我去 "識朋友"

可能有拖拍就會冷落咗自己既朋友啦，咁好啦，可以叫埋我啲朋友出黎玩下既，有男有女。但係點解次次係咁就出事呢？姣婆 vs 脂粉客呀！

事緣係有個女仔 frd，又係無野做架，咁同另一個無野做就一拍即合啦，佢地可以成日 hang out (我嗰時有返 part time)。一放工打比 "佢"，"佢" 又係同 "佢" 一齊。最記得係一次，我去完飲野，3am 啦，撞上 "佢" 屋企，個女仔仲係 "佢" 屋企打機！我出名四大惡人，個女仔就咁比我棒走咗！

"佢" 呢？唔好怪我，大家成年人，好應該知度咩係應該，咩係唔應該！

我覺得如果有心去維持一段關係，最 basic 係要去尊重對方！

ok fine，可能 "佢" 唔明白咁樣會令我唔開心，我亦正正式式同 "佢" 講清楚。

呢個世界有三類人，

第一：擺明係咁，你吹咩！

第二：你睇我唔到，你睇我唔到，我繼續做！

第三：好，咁我乖乖地！

"佢" 係第一類，無野好講，玩完！

故事未完架，過咗 N 年，我同個女仔仲係朋友，點解？牛唔飲水唔襟得牛頭低！我唔打開屋企門，你又點入得黎呀？

個女仔過咗咁多年，講返，解釋係：兩個人都悶，咁岩有個人唔開心，要搵人陪，咪 hang out 下！ 可能喺其他人眼中，個女仔對個男仔有野，or 個男仔對個女仔有啲野！不過其實係無，只不過係兩個悶人走埋一齊玩，做出黎啲野，看在其他人眼裡可能係過火！先會出現 "姣婆 vs 脂粉客" 呢個假象。比我揀，都唔會要 "佢" 啦。而家叫我同佢 hea，一定唔會！

當年係點我唔再 care，因為今年身邊既唔再係 "佢"！

不過諗返，兩個人真係應該坦白，唔好再你估我，我估你，亦都唔可做出一啲令對方唔開心既行為！

part 5：Conclusion

兩個人可以相識已經唔易，可以相戀更加難。

無去珍惜過，努力過就分開係最可惜。

我到今日仲記得：道理就同吹汽球一樣，谷咗少少氣唔放，都谷到太大就會爆架啦！

勞動日 + 好激氣！

part I 勞動日

整容後

整容前

呢兩日真係熱到嘔，我同米露都唔想點食野。但係屋企都可以堆到咁多碗碟，頭先用咗 25mins 消滅晒佢地 (其實係放晒入洗碗機)。手洗其實無問睇，最怕係洗完無位晾乾，好煩！

另外我仲洗咗幾機衫，但係幾機，幾機，仲有幾機未洗，唉！

**********

part 2 激氣事

講真，你要 backup 張相我無野好講，save 咗落 hard drive 囉，洗唔洗 upload 上 facebook 呀？

upload 咗都算啦，唔洗咁好 service tag 晒人，有無諗過人地 mind 唔 mind 架？張相都 N 年前啦，講真，我好 mind！

我 facebook 咁多人，好多都係近 10 年先識，我係極之唔想新朋友見到我以前個衰樣 (我無整過容，只係我唔鍾意見都以前自己個樣，就係咁簡單)！

本來件事係好簡單，你 tag 我，我同你講我唔想個名出現喺張相入面，咁我啲 frd 就唔會 link 到去，我同你有幾多 common friends 呀？咪得六個，我敢講佢地唔 care，亦未必會咁無聊 click 入睇！點解唔好以簡簡單單話：ok，我 remove 你個 tag？ 而係要：the pic is not fun without your tag.. 

聽完呢句，我無野好講，成年人啦，成熟啲得唔得？

我唔理 facebook 仲有咩 trick 可以令到我個名出現喺張相入面，我唔理，我唔想再見都嗰張相出現喺我個 page 上面！

******總之今次就係玩出火！我真係極極極激嬲！十幾年朋友，你唔洗咁玩我呀？

嘩，我越講越嬲，講到好似咩閃 card 咁，其實係一張 N 年前同幾個同學仔去 camp 既相，一張連我自己都無 keep copy 既相，大家唔洗亂諗！

UPDATE：好張相而家唔見咗，唔好再比我見到佢出現呀！THANKS!

Taste of Edmonton 2009

年年都話去，年年都無去，平又無去，到而家啲野咁鬼貴先去！

聽聞以前2-3張 coupon 就可以有得食，而家要 4-5張先得，1張1蚊呀！

我地早兩日去都好多人，六點幾啦，邊日呀，就係大風吹嗰日啦，去完返就超大風。

我地買咗20 張 coupons，用咗 $20

第一樣係 pita 咁上下既物體，豬話個 sauce 好味喎

第二樣係 garlic house 既雞串，佢無咩燒過，成條 dip 晒落啲 sauce 度，個 sauce 都係好好味，好花生，雞肉又唔鞋。

第三樣係 crab cake with cajan tatar sauce，我地兩個都覺得唔好味，$5 得兩小舊，個 crab cake 好油，炸咗好耐咁，個 sauce 又無味。

最後一樣就係 fairmount macdonald 既 cranberry mac scone，有 cranberry jam 同 好香既 whipping cream。個 scone 好大個，我臨走先買，因為風雲色變，成兜攞咗上車先食，食到返到屋企都未食得晒，不過好味，正！呢樣係第日再有機會都會再食 ^.^

又有新玩具

琴日去 petsmart 一心諗住買 greenies 比米露，因為佢仲有幾日就半歲，大個仔可以食，同埋又有張 $5 off $25 既 coupon 可以用咗佢。平時 greenies 係會減價平幾蚊，但係今次無減，所以最後都係無買。

Southside 間 petsmart 啲野執過位，感覺到佢想執咁，行行下就見有玩具平，就買咗呢隻 $2.97 既 football 狗仔比米露玩，佢同米露一樣張架！

一攞返黎就比個衰仔發現咗，玩咗一陣條狗就爆晒缸，成對手都係血，原來米露有nut咗隻teeth，今次呢隻仲係好大，又比我執多隻，有5隻啦，hehe。

同場加映：今日好熱，室內成 27 度，米露仔訓到反晒肚，成隻燒鵝仔咁 ^.^

大風吹

發癲啦，而家個天係超黑，超大風 (100km/hr)！

我個 deck 同隔離屋個 deck 既屏封吹到爛咗 (圖一)，又要打比 builder 叫佢黎整，即係要等！

最攪笑係個屏封係有五六塊直條組成，我地同隔離屋每人攞咗一半入屋！相中大咕窿就係爛咗既幾塊！

另外 bbq grill 都吹反咗，啲炭飛晒入個 cover到，所有 deck 上面幾野都搬晒入屋 (圖二)，而家擺滿咗個大門口！相中紅色 cushion 下面白色長條就係屏封一部份啦！

weather warning 出咗，話有機會龍卷風呀，唔係呀嘛？我今晚唔想落 basement 訓呀！

啲燈都開始閃閃下，而經搵定蠟燭，分分鐘要 candle light dinner 添呀！

milo仲好笑，可能頭先開門攞野返入黎啲風太大，嚇親佢，佢而家閃埋咗去車房門口個位，死都唔行埋門口，飯又唔肯食，睇黎佢真係好鬼驚驚！

最新報告，而家開始落雹！

無奇不有+婦人之仁

無奇不有

原來做二奶有樣睇

原來做二奶都可以好自豪

原來真係有人肯做

呢個topic講完！

婦人之仁

最近經常留漣一個女性主導既forum

令我開始覺得我有少少"非一般"

點解人地結婚就係"香港人嫁女"？

點解人地生仔個B一定要得意，可愛？

個阿媽就係靚，幸福同快樂呢？

點解買咗一件物件就要平，靚，正？

而家啲 forum 可以唔會比機會人地去講另一個觀點，

你有你既 points，我有我既 believes，唔駛話人地三姑六婆無知識呀？

我反而覺得成班攞住份報紙去羨慕嗰啲先係白痴！

清醒啲啦！結婚生仔做場 show 就叫幸福！妖！童話小公主囉喎！

逐漸變黑又得，立即變黑都得，得咗！

之前提過我買咗美源發絲，今日試用咗啦，哈，個效果都唔差。

自問有十幾年染髮經驗，咁多年黎每隔三四個月就染一次，用過好多 brand，鬼佬 brand 如 loreal 又有，日本brand如patty都有。我最怕就係嗰浸刺鼻藥水味，同埋嗱頭皮 feel。

首推最好係patty，藥水好香，護髮素又好香，用完頭髮好滑滑，又夠閃同令，仲 keep 得好耐，三個月都仲靚色。但係貨源就唔夠，大統統唔係成日都齊色。

美源就最basic既無刺鼻藥水味 (但係個味都唔好聞，少少花香，但唔香)，個頭皮都無嗱。佢suggest用 25 分鐘，我用咗 30 分鐘，[因為打機過咗時]，出黎個紅色都現。可能我原本染咗深金色 (都算淺色)，新出頭髮係黑色，所以染出黎近頭皮比較深，尾就紅色少少咁，有少少漸變色！ overall 都 ok 既，如果喺大統統搵唔到 patty 我都會再買。

不過要一提，如果頭髮長過耳仔或者好似我咁多頭髮就可能要買 2 packs 啦，美源既分量係少過 patty 架。我平時用 patty  點都會有剩，要搽到過頭好濕，但係美源 1 pack就岩岩夠用咋，長多少少頭髮都唔夠。

米露的糧倉

呢個係米露仔既新糧倉，之前有個好似米桶咁既，但係size就好大，可以一包六磅糧連袋放入去，餐餐要攞出黎真係好麻煩又重。呢個箱仔就好正啦，2邊都有開蓋，中間有塊divider，可以裝2種唔同糧架。每邊可以放1磅糧咁上下。喺 ikea 買，summer sale，$3.99，抵！

Zellers好筍入手

今日去咗zellers，因為之前買落啲野唔多岩用，要去refund。

出去買野次次最著數都係米露仔啦，買咗2張被被同2條大毛巾比佢，真係激平。

fleece軟冧冧滑滑被被，每張clearance price係$6.50，再要 70% off ，為起都係 $2.00，抵過去loonie store 買啦，買咗一條藍色，一條啡色！

大毛巾係 bath towel，藍色嗰條質地無咁靚，都鞋鞋地就 $2.97 再 70% off，啡色嗰條就質地好好，同我自己用嗰啲無分別，就 $5.97 再 70% off，比米露哥係屋企沖涼用都唔錯，買多兩條唔駛我成日開機幫佢洗。

開機洗唔係問題，佢"戀"過啲野都好大味，又要高溫消毒，又要除臭，淨洗都要2個鐘，我部洗衣機買黎真係 for 佢啲野 (買嗰時都無諗過養米露哥啦！)。

今日除咗米露野，仲買咗其他野，地墊 $14.97 再 70％ off，碎紙機 $20.61 再 50% off，廁所地墊 $14.97 再 70% off，beer mugs 1 set 12隻 $6.50再30% off，洗衫水 $4.99 再平 $2.00！

total買咗$39，但係saving係over $80！勁！！

喺 canada 比朋友仔得閒可以去望下，clearance sale until July 16！

ACANA，Milo黎啦

今朝打咗去差唔多 Edmonton 咁多間 Pet Shop，都有廿間，問佢地有無 FROMM 賣，結果係：無 in stock，要special order。最快就一星期，慢既要幾星期。

唔好話 Milo 而家差唔多無糧，就算有，開始咗食，食食下無得賣咪要斷糧，諗諗下都係唔好啦。

最睇下 dog food analysis，原來 Acana 呢個 brand 都唔錯，仲係 native Alberta 制做，支持本地貨！問咗 Pets Planet 個貨源都好 stable，唔會買買下無貨。

佢都係rated 4 星星！又係 all life stage，係全犬糧。所以就買咗 Pacifica 比佢，係三文魚做，無雞鴨鵝，係有少少蛋蛋。protein 比羊飯高，33%，但係 grain free。

就比米露仔試下啦。返黎開咗比咗幾粒佢食，好似比 California Natural 硬咗少少，佢要咬耐啲先吞得。但係佢清晒！跟住兩餐就比咗 1/4 Acana 佢，再比 3/4 CN 佢，佢又係清晒！希望佢乖乖地，鍾意食呢隻啦！

美源髮彩

頭先去Walmart，諗住買染髮劑，想買Perfect 10，但係無on sale，賣返正價啦，too late！

竟然比我發現咗有美源賣！Hoyu！原來係日本貨，有color既唔係叫髮彩，係叫美源絲質，個盒有中文同英文，送埋面油紙都唔駛$10，希望好用啦，我買咗5P，葡萄紅色！英文好勁，係Elegant Burgundy！

佢話係for Asian hair喎，試下睇下cover得唔好唔先！

呀！順帶一提，Walmart有曾江嗰隻"立即變黑都得，得咗" 賣，有黑色同自然髮色

根據我朋友親身經驗所講，chinese要用自然髮色，如果唔係，就會好似假髮！

狗糧決鬥

米露仔啲California Natural羊飯差唔多食晒，係時候同佢買新糧。去開West Side間Global Pets Food。其實屋企出面唔遠都有間，但係打過去無米露神隻CN埋，之前都講過，米露仔唔食得雞雞 (所有家擒)，唔係就會出粒粒。咁CN又係羊飯，係for sensitive skin，食咗2 包佢啲粒粒無晒，但係一個Pet Shop姐姐話CN好齋。人既食物都係啦，健康野點都唔好味。

之前試過比Innova佢食，最後就敏感收場，大半包剩咗喺度。

再比Solid Gold羊佢，佢"候"都唔"候"，早兩日包野仲比"jep jep" (老鼠) 咬穿埋，比我掉咗。

前日去返West Side Global啦，之前兩次既兩個姐姐都好好人，我都有同佢地講下米露仔啲麻煩野，佢地話如果米露唔肯食，而包糧仲有半包都可以攞返去trade其他糧試！

點知今次個肥婆真係衰到爆啦！一入去佢問我買咩，我話狗糧，但係我米露仔好嘴刁，唔係樣樣肯食，同唔係樣樣都食得！講咗唔夠兩句，佢問我想點，我話CN齋，營養唔狗其他brand好 (因為係for sensitive skin，所以唔可以加咁多野落去)。我要同佢轉糧。佢問我想轉咩，我話solid gold啦！咁佢喺Pet Shop做得，我當佢有少少知識啦，問佢好唔好，佢答我：其實係一樣，不過solid gold係high end糧，會貴！

妖！CN要$17一包5磅，solid gold $22 for 5 磅，多$5我比唔起咩！！我又唔係未買過，係早排米露仔換teeth，唔多舒服唔肯食同埋出粒粒先要買CN咋！米露仔肯食又係靚野，我比$50都買啦！死肥婆講到我買唔起咁！

咁算啦，我話ok啦，我買一包，要羊飯！講明要羊！咁再問係唔係如果佢唔肯食又剩一半可以exchange，佢又話唔係！死都唔肯賣一包比我，就去求求其搵咗2包samples叫我返屋企試下先！

最初比包有雞既我，我一睇就話唔得！米露唔食得雞！佢又走去搵！搵咗上面相入面既 Just a WEE BIT比我，不過係for Adult Dog！係魚飯！我要羊飯呀！我米露仔得6個月咋，點係大人呀？ Short short地！米露爸叫我唔好同佢嘈，就咁攞咗就走！

唉！West Side好鬼遠架嘛，揸車都要半粒鐘來回啦，最後都係買唔成，得個吉！

我自問為咗米露仔做晒research，羊飯既真係得2，3隻brands，一係solid gold (5星)，一係blue buffalo(4星)。 死肥婆比我隻 Just a WEE BIT都係得4星！咁我比米露食返blue buffalo唔好？傻傻地！

攪咗一輪，聽日去買FROMM 4 Star Salmon a la veg比米露試下先！橫掂有$5 coupon。希望唔好見到個死肥婆啦！

都唔知去唔去West Side嗰間好，佢地有買12送1，我已經買咗2包啦。定係去屋企呢邊好呢？

係喎，星星rating係喺 Dog Food Analysis 度睇架！有興趣可以去望望！

韓式湯粉絲

又係唔多成功之作，個味就好正，但係"索""索"下無鬼晒啲湯，琴晚食唔晒，pack返今日食，最後變咗炒粉絲feel。我諗問題出於粉絲，我未浸得軟就落煲煮，所以"索"晒啲湯。下次要make sure粉絲浸夠再過冷河先得！

材料：

• 粉絲 1/3 包 用凍水沉軟 (800grams 裝)
• 薄豬肉片 6 條 切小段 (又名韓國bacon)
• 蝦 12 隻 洗淨去腸留殼
• 冬菇 2 隻 沉軟
• 薑 1 片
• 荵 1 扎 切小段
• 蛋 1 隻

醬汁：

• 水 4 - 5 杯 (按煲大小而定)
• 豉油 2 湯匙
• 韓式辣醬 3 湯匙
• 韓式辣粉 1/2 湯匙
• 韓式魚露 1 湯匙
• 糖 2 糖匙
• 麻油 少許

做法：

1. 先將辣醬，辣粉加入1 杯熱水溶開再放入煲內，另加3-4 杯熱水煲滾，再用中細火煮5 分鐘至味濃。
2. 加入魚露，糖，豉油調味。
3. 加入薑，豬肉，蝦煮5 分鐘或豬肉全熟。
4. 加入粉絲煮熟。
5. 熄火前一分鐘加入蛋，熄火後將蛋拌開再加麻油及荵段即成！

TIPS:

用凍水沉粉絲要好耐時間，最快方法係用熱水浸，再放入microwave叮一分鐘，取出攪一攪，再叮一分鐘。重覆4-5次即成！

十蚊兜太陽檯

今日悶悶地去咗ikea行下，summer sale聽日就完啦，睇下有無平野執啦

第一，我成日"喉"住既玻離櫃由$69.99加到$79.99啦，加咗$10呀!!!!! 我想買咗好耐，但係米露爸話要等到$59.99先肯買，唉！睇黎都係無行架啦！

第二，買咗個$2.99紅色cushion，諗住比米露仔咬，佢舊嗰個爛咗，點知返黎比我墊下背背又唔錯，沒收！我用，米露仔無得玩！

第三，呢個勁啦，就係上面張豪華磨砂波離太陽檯！咁大張都係$10.50。我喺as-is department搵到，原價$39.
佢話係"damage"，我check過原裝膠紙都未開過，淨係個盒穿咗個窿，佢就減到$21。而家係summer sale，再有50% off。
心諗搏一搏啦，最壞打算就係爛既，最多返黎再打算點用。我都無諗過係磨砂破離咁高級。
返黎inspect過又無穿無爛，十蚊，抵都爛啦！放係deck做patio table，仲襯返啲railing添！

米露的新衣

呢件係米露仔既新衫，喺ebay買架，$20大元，不過都平架啦，去pet store買要$40啦！
希望個衰仔肯著啦，佢次次著衫仔都會比人點穴咁，死都唔肯郁。等閒要去買多個口罩比佢，佢成日出街都就地食野！

Katsu Don

今日美食係katsu don，日式炸豬扒飯。琴日去咗老遠北面大統統，真係遠到爆，見豬扒on sale就買咗4塊！同埋48罐 cream soda！

材料：(2人份量)

• 豬扒 2 塊 (用 1 湯匙豉油，1茶匙糖，胡椒粉少少醃 15分鐘)
• 蛋 4隻 (我超愛食蛋)
• 炸粉適量 (最好用panko日式炸粉)
• 白飯 2碗
• 汁料：洋荵 1個，荵 1條，豉油 3湯匙，味"西林" 1/2杯，水 1/2杯，黃糖 1茶匙

做法：

1. 豬扒洗淨，用醃料醃15分鐘
2. 豬扒沾上蛋汁，再沾上炸粉
3. 落3750F炸鑊炸10分鐘，攞起隔油
4. 用1湯匙油起鑊，加入洋荵，炒香
5. 加入其餘汁料慢火煮10分鐘
6. 煮至汁料滾起泡，加入所有蛋汁，蛋半熟後輕輕攪伴再煮1分鐘
7. 先將飯放入碗，再加豬扒，最後加入汁料即成！

Calgary Stampede

岩岩星期日係family day，9am前入場就免費。

我地一行六人加milo，就揸2架車出發，咁我，豬，妹同佢bf一架車，我爸媽加milo就一架。

係我老豆死都要帶埋milo去。咁我老豆drop低咗我媽就去泊車，泊好車再去攞stamp。

我地行到去就見我媽一支公行黎行去，叫佢同我地走，又唔肯，話要等埋我老豆。

我地一齊去咗chinatown食早餐，點知淨係見我老豆帶住milo，原來佢留低咗我阿媽。

佢怕milo一個喺車會焗親，攞完stamp就閃返車！我阿媽比佢激到死死下！

super dog show 一面既老虎狗，好鬼肥美

Grilled BBQ Ribs

Grilled BBQ Ribs

整過幾次，今次用apple味+BBQ sauce真係入味好多！要prepare兩日，但係可以比美Tony Roma's架^.^

個食譜要用中英文一齊打先得呀，有啲材料唔知中文係咩 >.<

Step 1:

材料:

• 2杯蘋果汁
• 2杯蘋果醋
• 3磅pork ribs 

做法:

1. 洗淨ribs，抹乾
2. 將ribs平放入大盤內，加入蘋果汁及蘋果醋至浸過所有ribs (如果唔夠，可用一比一份量增加汁料)
3. 保鮮紙包好放入雪櫃浸過夜

Step 2:

材料 (rub):

• 3/4杯黃糖 (brown sugar)
• 1湯匙 Paprika
• 1湯匙蒜粉

做法:

1. 取出ribs，抹乾
2. 將所有rub撈勻，然後掃上每塊ribs (底面加四邊)
3. 醃3小時

Step 3:

材料 (sauce):

• 2杯 BBQ sauce (我用1杯 Bulls Eye Original Bold加1杯Bulls Eye Hickory Smoke)

做法:

1. 預熱grill/焗爐至3750F度
2. 放入ribs燒45分鐘或焗90分鐘或直至ribs上的肉開始收縮
3. 掃上sauce (面)再燒/焗1-2分鐘
4. 再掃上sauce(底)再燒/焗1-2分鐘

暈浪餅 + 蘋果香蕉 Cupcakes

暈浪餅

米露仔真係鄉下仔，坐親車都暈，vet叫比gravol佢食，但係搵唔到藥水，google過，原來薑都好有用，咁就整咗薑味曲奇(暈浪餅)比佢試下啦

材料:

• 1/4杯油
• 4茶匙蜜糖
• 1隻蛋
• 2茶匙鮮奶 (可用skim 或者 1%)
• 1 1/4杯麵粉或全麥麵粉
• 1/2茶匙 baking powder
• 4 茶匙薑蓉
• 4茶匙紅籮白 

做法:

1. 預熱焗爐至 375oF 度
2. 先將乾料及濕料分別於兩個碗內攪勻
3. 將乾料慢慢加入濕料槎成粉糰至乾身
4. 用曲奇模印出形狀，放入焗爐內焗25分鐘或表面金黃即成

蘋果香蕉 Cupcakes

材料:

• 1隻香蕉 (切碎)
• 1個蘋果 (切碎)
• 1湯匙蜜糖
• 1/3杯水
• 2湯匙蘋果味baby food (無糖)
• 1杯麵粉或全麥麵粉
• 1/2茶匙baking powder
• 1/2茶匙baking soda

做法:

1. 預熱焗爐至 350oF 度
2. 先將乾料及濕料分別於兩個碗內攪勻
3. 將乾料慢慢加入濕料攪成乾身槳
4. 倒入cupcake模，放入焗爐內焗25分鐘或表面金黃即成